Skipulags- og umhverfisnefnd Fjallabyggðar

Valgeir Tómas Sigurðsson óskar eftir leyfi til endurgerðar og útlitsbreytinga á húseigninni Aðalgötu 2, Siglufirði skv. meðfylgjandi greinargerð og teikningu.

Erindi samþykkt.

Aðalheiður S. Eysteinsdóttir sækir um að breyta Alþýðuhúsinu við Þormóðsgötu 13 úr samkomuhúsi í íbúðarhús og vinnustofu samkvæmt meðfylgjandi teikningum.

Erindi samþykkt.

Jóhann Helgason, Vesturgötu 14 Ólafsfirði, kemur á framfæri í erindi sínu áhyggjum hvað varðar hnignun á ásýnd sveitarfélagsins, þá sérstaklega í Ólafsfirði og óskar eftir því að bæjarráð hlutist um að beina því til fyrirtækja og einstaklinga að viðhalda eignum sínum og hirða um lóðir sínar.

Beri það ekki árangur þá hjóti sveitarfélagið að grípa til þeirra aðgerða sem það hefur svigrúm til samkvæmt samþykktum lögum og reglugerðum, meðal annars til þess að gæta jafnræðis meðal íbúanna.

Nefndin þakkar erindið og bendir á að búið er að senda bréf til allra fyrirtækja í sveitarfélaginu þar sem þau eru hvött til þess að halda sínum svæðum ávallt snyrtilegum og hreinum.

Hestamannfélagið Gnýfari óskar eftir að fá að hefja framkvæmdir við reiðveg frá afleggjara að borholum Norðurorku í landi Skeggjabrekku og fram að Garðsá í Ólafsfirði. Verkefnið er samstarfsverkefni Fjallabyggðar og Gnýfara.

Erindi frestað.

Sýslumaðurinn á Siglufirði óskar eftir umsögn vegna umsóknar um rekstrarleyfi til handa Þóri Kr. Þórissyni f.h. 580 slf. vegna reksturs gististaðanna The Herring house að Hávegi 5 og Hlíðarvegi 1 á Siglufirði.

Þar sem um nýja staði er að ræða er sótt um nýtt rekstrarleyfi gististaðar skv. II. flokki 5 gr. laganna, en nánar tiltekið er um að ræða gistingu í íbúðum án veitinga.

Með vísan til 10. gr. laga nr. 85/2007, er þess hér með farið á leit að byggingarfulltrúi staðfesti að starfsemin sé í samræmi við byggingarleyfi og skipulagsskilmála sem og að lokaúttekt hafi farið fram á húsnæðinu og staðfestar teikningar liggi fyrir.

Byggingarfulltrúa falið að svara erindinu.

Sýslumaðurinn á Siglufirði óskar eftir umsögn vegna umsóknar um rekstrarleyfi til handa Bjarkey Olsen Gunnarsdóttur f.h. Iðngarða Siglufjarðar ehf. vegna reksturs Gistihúss Jóa að Strandgötu 2, Ólafsfirði.

Þar sem um nýjan stað er að ræða er sótt um nýtt rekstrarleyfi gististaðar skv. III. flokki 5 gr. laganna, en nánar tiltekið er um að ræða gistiheimili með veitingum þó ekki áfengisveitingum.

Með vísan til 10. gr. laga nr. 85/2007, er þess hér með farið á leit að byggingarfulltrúi staðfesti að starfsemin sé í samræmi við byggingarleyfi og skipulagsskilmála sem og að lokaúttekt hafi farið fram á húsnæðinu og staðfestar teikningar liggi fyrir.

Byggingarfulltrúa falið að svara erindinu.

Elín Þorsteinsdóttir f.h. Júlíusar Helga Sigurjónssonar sækir um leyfi til að breyta ytra útliti Gundargötu 14 samkvæmt meðfylgjandi teikningum.

Erindi samþykkt.

Elín Þorsteinsdóttir f.h. Unnars Más Péturssonar sækir um leyfi til að breyta ytra útliti Túngötu 40a samkvæmt meðfylgjandi teikningum.

Erindi samþykkt.

Gunnar Lúðvík Jóhannsson sækir um byggingarleyfi fyrir aðstöðuhús við fiskeldi að Hlíð í Ólafsfirði samkvæmt meðfylgjandi teikningum.

Erindi samþykkt.

Lagður fram lóðarleigusamningur vegna stækkunar á lóðinni við Norðurgötu 16.

Erindi samþykkt.

Lagður fram lóðarleigusamningur vegna minnkunar á lóðinni við Vetrarbraut 21-23.

Erindi samþykkt.